پارتيا ورتالىق كوميتەتى، مەملەكەتتىك كەڭەس مىندەتتى وقۋ - اعارتۋ ساتىسىنداعى وقۋ - اعارتۋ، وقىتۋ رەفورماسىنىڭ تۇعىرنامالىق حۇجاتىن باسىپ تاراتتى

  شينحۋا اگەنتتىگىنىڭ 7 - ايدىڭ 8 - كۇنى بەيجيڭنەن بەرگەن حابارى (ءتىلشى حۋ حاۋ). «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ وقۋ - اعارتۋ، وقىتۋ رەفورماسىن تەرەڭدەتىپ، مىندەتتى وقۋ - اعارتۋدىڭ ساپاسىن جاپپاي جوعارىلاتۋ جونىندەگى پىكىرى» جۋىقتا باسىپ تاراتىلدى. بۇل پارتيا ورتالىق كوميتەتىنىڭ، مەملەكەتتىك كەڭەستىڭ باسىپ تاراتقان نازاردى مىندەتتى وقۋ - اعارتۋ ساتىسىنداعى وقۋ - اعارتۋ، وقىتۋ رەفورماسىنا شوعىرلاندىرعان العاشقى ماڭىزدى حۇجاتى، جاڭا داۋىردە ەلىمىزدىڭ وقۋ - اعارتۋ، وقىتۋ رەفورماسىن تەرەڭدەتۋدەگى، مىندەتتى وقۋ - اعارتۋ ساپاسىن جاپپاي جوعارىلاتۋداعى تۇعىرنامالىق حۇجاتى.

  مىندەتتى وقۋ - اعارتۋدىڭ ساپاسى سان ميلليونداعان ءوسپىرىم بالالاردىڭ اقاۋسىز ەسەيىپ - ەرجەتۋىنە سايادى، مەملەكەتتىڭ دامۋىنا سايادى، ۇلتتىڭ بولاشاعىنا سايادى. پىكىردە مىنالار باسا دارىپتەلدى: ونەگە كورسەتىپ، ادام تاربيەلەۋگە تاباندى بولىپ، ۇلتتى گۇلدەندىرۋ كەلەلى مىندەتىن ارقالايتىن ءداۋىردىڭ جاڭا ادامدارىن تاربيەلەۋگە كۇش سالۋ؛ ”بەس تاربيە“نى قاتار جۇرگىزۋگە تاباندى بولىپ، ساپا اعارتۋىن جاپپاي دامىتۋ؛ ساباقحانانىڭ نەگىزگى شەپتىك رولىن كۇشەيتىپ، ساباقحانانىڭ وقىتۋ ساپاسىن شىنايى جوعارىلاتۋ؛ ”تورتتە جاقسى وقىتۋشى“ ولشەمى بويىنشا، جوعارى ساپالى ماماندانعان وقىتۋشىلار قوسىنىن قۇرۋ؛ شەشۋشى سالالارداعى رەفورمانى تەرەڭدەتىپ، وقۋ - اعارتۋ ساپاسىن جوعارىلاتۋعا شارت - جاعداي جاراتۋ؛ ۇيىمدىق باسشىلىقتى كۇشەيتىپ، جاڭا داۋىردەگى مىندەتتى وقۋ - اعارتۋ رەفورماسىنىڭ، دامۋىنىڭ جاڭا جاعدايىن اشۋ.جۇڭگو وقۋ - اعارتۋ عىلمي قوعامىنىڭ باستىعى جۇڭ بينلين بىلاي دەپ قارادى: مىندەتتى وقۋ - اعارتۋ وقىتۋ ساتىسىنىڭ ارالىعى 9 جىل، ول وقۋداعىلاردىڭ كولەمى ەڭ زور، وقۋ جاسى ەڭ ۇزاق وقۋ - اعارتۋ ساتىسى، ءاربىر وتباسىنىڭ، ءاربىر بالانىڭ تاعدىرىمەن تىعىز قاتىستى وقۋ - اعارتۋ ساتىسى. تۇتاس وقۋ - اعارتۋ جۇيەسىندە، مىندەتتى وقۋ - اعارتۋ نەگىز قالاۋ سيپاتتى رولعا يە، وسى زامانعى حالىقتىق وقۋ - اعارتۋ جۇيەسىنىڭ ىرگە تاسى دەۋگە بولادى.

  ول بىلاي دەپ قارادى: پىكىر شەشۋشى فاكتوردى مىقتاپ يگەرىپ، ”نەنى وقىتۋدى جانە ۇيرەنۋدى“ كوزدەپ، ءمورال تاربيەسىنىڭ، دەنە تاربيەنىڭ، ەستەتيكالىق تاربيەنىڭ جانە ەڭبەك تاربيەسىنىڭ تيەسەلى ورنىن كۇشەيتتى؛ ”قالاي وقىتۋدى جانە ۇيرەنۋدى“ كوزدەپ، وقىتۋ ءتاسىلىن ساپالىلاندىرۋ، وقىتۋدى باسقارۋدى كۇشەيتۋ، تاپسىرمانى، ەمتيحاندى، پىسىقتاۋدى كەمەلدەندىرۋ سياقتى جاقتاردان ناقتى شارا العا قويىپ، ساباقحانا وقىتۋىنىڭ ساپاسىن شىنايى جوعارىلاتتى؛ ”وقۋشىلاردى كىم وقىتۋدى“ كوزدەپ، ”تورتتە جاقسى وقىتۋشى“ ولشەمى بويىنشا، جوعارى ساپالى ماماندانعان وقىتۋشىلار قوسىنىن قۇرۋدى دارىپتەدى، سونىمەن بىرگە، وقۋ - اعارتۋ مەكەمەسىنىڭ باستىعى، مەكتەپ باستىعى، وقىتۋ - زەرتتەۋ قىزمەتكەرلەرى قوسىنى قۇرىلىسى جونىندە پىكىر العا قويدى.

جاۋاپتى رەداكتور: سايراش تۇرارجان