ۇلتتار ىنتىماعى نەگىزگى اۋەنىن شىعانداتامىن

  اقتاۋ اۋداندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى بەكتۇر مامەتيۇسۇپ

  مەن قىرعىز وتباسىندا تۋىلدىم، ەسەيىپ - ەرجەتۋ بارىسىمدا، مەن ۇلى پارتيا مەن ۇلى وتانىمىز بولماسا، تيانشاننىڭ وڭتۇستىگى مەن سولتۇستىگىندە تۋىلعان وراسان زور وزگەرىستەردىڭ بولمايتىندىعىن، بەرەكەلى ۇلتتار قاتىناسى مەن قوعامنىڭ ورنىقتى جاعدايى بولمايتىندىعىن، شينجياڭداعى ءار ۇلت حالقىنىڭ تىنىش ءومىر، شات - شادىمان تىرشىلىگىنىڭ جانە باقىتتى تۇرمىسىنىڭ بولمايتىندىعىن تەرەڭ سەزىندىم.

  ۇلتتار ىنتىماعى باستان - اياق شينجياڭداعى ۇلتتاردىڭ تاتۋ - ءتاتتى، بىرگە ءومىر كەشىرۋىندەگى نەگىزگى اۋەن. وتكەن عاسىردىڭ 80 - جىلدارىندا، ءبىزدىڭ ءۇي ءبىر ۇلكەن اۋلادا تۇراتىن، كورشىلەرىمىز حانزۋ، ۇيعۇر، حۇيزۋ قاتارلى ۇلتتاردان ەدى، اكە - شەشەم ولارمەن جاقىن ارالاسىپ تۇراتىن. اكەم ۇنەمى بىزگە: ”الىستاعى اعايىننان جاقىنداعى كورشىڭ ارتىق“، ”ءبىز ءار ۇلت تۇگەلدەي اعا - باۋىر، اپەكە - سىڭلىلەرمىز“ دەيتىن.

  باستاۋىش مەكتەپتە وقىعان كەزىمدە، ءبىز بىرنەشە كىشكەنتاي دوستار ىرگەمىزدەگى لي مۇعالىمنىڭ ۇيىنە بارىپ، ونىڭ ۇلىمەن بىرگە تاپسىرما ورىنداپ، بىرگە ويناعاندى ەرەكشە جاقسى كورۋشى ەدىك، سونان قازىرگە دەيىن ءبىز تۇگەلدەي جاقسى دوستاردان بولىپ كەلەمىز. داشۋە وقىعان جانە قىزمەت ىستەگەن كەزىمدە، مەن تاعى دا ءتىپتى كوپ وزگە ۇلت دوستارمەن تانىستىم، ارالاسۋ، ىشتەسۋ بارىسىندا، مەن ءار ۇلت دوستار ارا ەڭ ماڭىزدىسى ءبىر - بىرىنە ادالدىق ەكەندىگىن ۇعىندىم.

  اكە - شەشەمنىڭ تاربيەلەپ، ونەگە كورسەتۋىندە، ءبىز كەيىنگى ۇرپاقتار باستان - اياق ”ۇلتتار ىنتىماعىنىڭ بەرەكەلى شاڭىراعى“ ۇستانىمىن جالعاستىرىپ كەلەمىز، ەكىنشى قارىنداسىم بويجەتكەننەن كەيىن حانزۋ جىگىتكە ۇيلەنىپ، بەيجيڭدە ورنىعىپ تۇرىپ قالدى. ۇلكەن قىزىم مەنىڭ ىقپالىممەن، تولىق ورتا مەكتەپكە ەمتيحان بەرىپ تالاپ تولتىرعاندا، شاڭحاي تۇڭجي داشۋەسىنە قاراستى ورتا مەكتەپتى تاڭدادى، سوڭعى 2 جىلدا ول حۋنان، انحۇي سياقتى بىرنەشە ولكە، قالاداعى ساباقتاستارىنىڭ ۇيىنە قىدىرا باردى. جۋىقتا ونىمەن تەلەفوندا سويلەسكەنىمىزدە، ول قۋانىشىن باسا الماي بىزگە بيىلعى جازدىق كانيكۋلدا ءوزىنىڭ ىشكى ولكەدەگى 2 حانزۋ دوسىنىڭ شينجياڭدى كورۋگە كەلەتىندىگىن، ۇيىمىزدە قوناق بولاتىندىعىن ايتقاندا، مەن ايرىقشا قۋاندىم. اۋلەتىمىزدەگى 3 ۇرپاق ادام تۇگەلدەي ”حانزۋلار از ۇلتتاردان ايرىلا المايدى، از ۇلتتار حانزۋلاردان ايرىلا المايدى، از ۇلتتار دا ءبىر - بىرىنەن ايرىلا المايدى“ ۇستانىمىن امالياتتا ايگىلەپ، جۇڭحۋا ۇلتىنىڭ بەرەكەلى شاڭىراق ەكەندىگىن دالەلدەدى. ءدال وسىنداي بەرەكەلى دوستىق، ءبىر - بىرىنە كومەكتەسىپ، ءبىر - بىرىمەن بىتە قايناسقان كەشىرمە مەنىڭ ومىرىمە ايرىقشا ءمان قوستى.

  جاڭا تاريحي داۋىردە، مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىم“دى اناعۇرلىم كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىندايمىن، وزەكتى سانالىلىقپەن ارقاۋ ەتىپ، كەلەلى جاعدايعا قىزمەت ەتىپ، ۇلى ىنتىماققا، ۇلى بىرلىككە كۇش سالۋعا ءمان بەرىپ، جۇڭحۋا ۇلتى ورتاق تۇلعا تانىمىن بەكەمدەپ، ۇلتتار ىنتىماعى قىزمەتىن تياناقتاندىرىپ، جان - جاقتى يگەرىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ءار ۇلت كادر - بۇقاراسىن ۇلتتار ىنتىماعىن كۇشەيتۋگە، ۇلتتىق بولشەكتەۋشىلىككە قارسى تۇرۋعا تاربيەلەۋ، باستاۋ جاۋاپكەرشىلىگىن سانالىلىقپەن ارقالاپ، ءار ۇلت كادر - بۇقاراسىمەن بىرگە، ءىس جۇزىندىك ارەكەتىم ارقىلى ۇلتتار ىنتىماعىنىڭ نەگىزگى اۋەنىن شىعانداتىپ، ۇلتتار ىنتىماعىنىڭ گۇلدەرىن شينجياڭنىڭ ۇلان - بايتاق دالاسىندا ۇزاق ۋاقىت قۇلپىرتامىن.

جاۋاپتى رەداكتور: سايراش تۇرارجان