ۇلتتار ىنتىماعى − ءار ۇلت حالقىنىڭ جانى

تۇرپان قالاسى گاۋچاڭ رايوندىق پارتكومنىڭ شۋجيى، رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى تان جيانگو

  مەن ءپىشان اۋدانىندا دۇنيەگە كەلدىم، كىشكەنتاي كەزىمنەن باستاپ ءار ۇلت كىشكەنتاي سەرىكتەرىممەن بىرگە ۇيرەنىپ، بىرگە ەسەيىپ - ەرجەتىپ، ءار ۇلتتان كوپتەگەن جاقسى دوس تاپتىم.

  كىشكەنتاي كەزىمدە اكە - شەشەمنىڭ قىزمەتى قاربالاس بولعاندىقتان، كەي كەزدەرى ماعان قاراۋعا ۋاقىتتارى شىقپايتىن، مەن ۇنەمى از ۇلت ساباقتاستارىمنىڭ ۇيىنە بارىپ تاماقتاناتىنمىن. ولاردىڭ اكە - شەشەسى ماعان ءوز بالالارىنان دا جاقسى قارايتىن، ۇيلەرىندەگى ەڭ جاقسى نارسەلەردى جەگىزەتىن، قىستا بۋى بۇرقىراعان ىستىق سورپا، جازدا ىستىق قايتاراتىن سالقىن جەمىس - جيدەك بەرەتىن؛ ول كەز تۇرمىس تىم ىرعىن ەمەس، وقتا - تەكتە ەت اسىپ جەگەن كەزدە ولار ۇنەمى كۇلىمسىرەپ تۇرىپ ەڭ ۇلكەن كەسەگىن ماعان بەرەتىن. قازىر ەسكە السام، كوڭىلىم ءالى دە مەيىرىم مەن اسەرگە تولى.

  سۇيىسپەنشىلىك دەگەن ءوزارا بولادى. ءار رەت اكە - شەشەم ماعان ىشكى وڭىردەن اكەلگەن ءدامدى ۇساق - تۇيەك تاعامدار بەرگەندە، مەن از ۇلت ساباقتاستارىممەن بولىسەتىنمىن؛ ءار رەت اكە - شەشەم ماعان ساباقتان سىرتقى جاڭا كىتاپتار الىپ بەرگەندە، مەن ولاردىڭ وقۋىنا بەرىپ تۇراتىنمىن. ۇلتتار ىنتىماعىنىڭ تۇقىمى مىنە وسىلاي قاراپايىم بارىس - كەلىس فورماسى ارقىلى بىرتىندەپ ءبىر - ءبىرىمىزدىڭ جۇرەكتەرىمىزگە تامىر تارتىپ، وركەن جايىپ، ماعان ۇلتتار ىنتىماعىنىڭ ءار ادامعا اكەلگەن باقىتىن سەزىندىردى، بۇل مەنىڭ بۇدان كەيىنگى تۇرمىسىم مەن قىزمەتىمە تەرەڭ ىقپال جاسادى.

  ”2 - ۇرپاق شينجياڭدىق“ رەتىندە، مەنىڭ اكە - شەشەم تاۋى جاسىل، سۋى ءمولدىر سىچۋاننان شينجياڭعا كەلىپ شەكارا ءوڭىردى اشۋ، گۇلدەندىرۋ قۇرىلىسىنا ات سالىستى. شينجياڭدى قىزۋ ءسۇيۋ، شينجياڭدى گۇلدەندىرۋ، شينجياڭدى قورعاۋ تانىمى كىشكەنتاي كەزىمنەن باستاپ مەنىڭ ساناما ۇيالادى. وتكەن عاسىردىڭ 70 - جىلدارى تۋعان مەن شينجياڭنىڭ رەفورما جاساعاننان، ەسىك اشقاننان بەرگى ۇلى دا تەرەڭ وزگەرىستەرىنە كۋا بولدىم، ۇلتتاردىڭ ۇلى ىنتىماعىنىڭ سۇبەلى جەمىسىن كوزبەن كوردىم، ۇلتتار ىنتىماعىن قورعاۋ، ۇلتتار ىنتىماعىنىڭ بەرەكەلى شاڭىراعىن جەبەۋ يدەياسى جۇرەگىمە تەرەڭ تامىر تارتىپ، قان تامىرىما ءسىڭىپ كەتتى.

  شينجياڭ ءار ۇلت حالقى ۇزاق ۋاقىتتان بەرى بىرگە تۇرمىس كەشىرگەن كورىكتى مەكەن. ءبىز ۇلتتار ىنتىماعىن كوز قاراشىعىمىزداي ايالاپ، ومىرىمىزدەي قاستەرلەپ، ءار ۇلت حالقى اناردىڭ دانىندەي تىعىز ۇيىسۋىمىز كەرەك. جۇڭحۋا حالىق رەسپۋبليكاسى قۇرىلعان 70 جىلدان بەرى، شينجياڭداعى ءار ۇلت حالقى پارتيا ورتالىق كوميتەتىنىڭ پارمەندى باسشىلىعىندا، ىنتىماقتاسا بىرگە كۇرەس جاساپ، شينجياڭدى بىرگە اشىپ، بىرگە قۇردى. قازىر ءار ۇلت حالقى ارشىندى قاداممەن جاراسىمدى، باقىتتى داڭعىل جولعا قادام تاستاۋدا. وسىنىڭ بارلىعى پارتيانىڭ باسشىلىعىنان كەلگەن، سونىمەن بىرگە ۇلتتاردىڭ ۇلى ىنتىماعى اكەلگەن قۇدىرەتتى بىرىككەن كۇشتەن كەلگەن.

  ۇلتتار ىنتىماعى − ءار ۇلت حالقىنىڭ جانى، شينجياڭنىڭ دامۋىنىڭ، العا باسۋىنىڭ ىرگە تاسى. جۋىق جىلداردان بەرى، ۇلتتار ىنتىماعىنىڭ اسەرلى اڭگىمەلەرى گاۋچاڭ رايونىندا ۇزدىكسىز جارىققا شىعۋدا، قالىڭ كادرلار، جۇمىسشى - قىزمەتشىلەر جانە ءار ۇلت بۇقاراسى وسى ۇلان - بايتاق توپىراقتا سۇيىسپەنشىلىكتىڭ تۇقىمىن سەۋىپ، ۇلتتار ىنتىماعىنىڭ بايشەشەگى بارلىق جەردە قۇلپىردى، مىنە بۇل بىزگە اناعۇرلىم سەنىممەن ۇلتتار ىنتىماعى قىزمەتىن ويداعىداي جاقسى ىستەپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا بەرىك بۇقارالىق نەگىز قالايدى.

جاۋاپتى رەداكتور: سايراش تۇرارجان