ىنتىماقتاسا العا باسۋ − ەڭ باعالى بايلىق

تۇرپان قالاسى گاۋچاڭ رايونى ءجۇزىم قالاشىعى بۇلاق قىستاعى پارتيا ياچەيكاسىنىڭ شۋجيى ءومار ابىليز

  جاڭا جۇڭگو قۇرىلعاننان بەرى، پارتيانىڭ باسشىلىعىندا، بۇلاق قىستاعىنا قونىستانعان ءار ۇلت بۇقاراسى ءبىر ارىقتىڭ سۋىن ءىشىپ، ءبىر ءاندى بىرگە شىرقاپ، ءبىرى - بىرىنە قول ۇشىن بەرىپ، ىنتىماقتاسا العا باسىپ، ۇلتتار ىنتىماعىنىڭ ىقىلاستى دا اسەرلى اڭگىمەلەرىن ايگىلەدى.

  اڭگىمەنى 60 جىلدىڭ الدىنان باستاپ ايتۋعا تۋرا كەلەدى. سول كەزدە، ورتالىق شەكارا ءوڭىر قۇرىلىسىنا كومەكتەسۋ ۇندەۋىن شىعارىپ، جياڭسۋ ولكەسىنىڭ حاي - ان اۋدانىنان ىلگەرىندى - كەيىندى 15 حانزۋ وتباسى كەلىپ، 55 ۇيعۇر وتباسىنداعى قىستاق تۇرعىندارىمەن بىرگە بۇلاق قىستاعىنىڭ 3 - قىستاق تۇرعىندار گرۋپپاسىن قۇرايدى.

  جاڭادان كەلىپ ورنالاسىپ جاتقان حانزۋ باۋىرلاستاردى كورگەن ۇيعۇر قىستاق تۇرعىندارى ولارعا ىستىق ىقىلاسپەن قۇشاقتارىن اشىپ: ”شالعايدان كەلگەن دوستار، قارسى الامىز. قازىردەن باستاپ، ءبىز ءبىر وتباسىنىڭ ادامدارىمىز، قيىنشىلىقتارىڭ بولسا ءبىزدى ىزدەڭدەر“ دەيدى.

  جىلى مەيىرگە تولى سوزدەر حانزۋ بۇقارالارىن لەزدە ۋايىمنان ارىلتادى، ولار اسەرلەنە: ”جەرگىلىكتى قىستاق تۇرعىندارىنىڭ مەيىرى مەن قۇشاعى بىزگە شەكسىز كۇش - قۋات بەردى“ دەيدى.

  ەڭ ەستەن كەتپەيتىنى 1961 - جىلدىڭ 5 - ايى ەدى، قۇمدى بوران سوعىپ، كوپتەگەن داقىلدار تامىرىمەن قوپارىلادى. حانزۋ بۇقارالار جەر - كوكتى تۇمشالاعان قۇمدى بورانعا نە ىستەرلەرىن بىلمەي تۇرعان كەزدە، ماڭايداعى ۇيعۇر اۋىلداستار توپ - توبىمەن كەلىپ ولاردىڭ كوڭىلىن اۋلايدى، كەيبىرەۋى نان اكەلىپ بەرسە، كەيبىرەۋى ىستىق تاماق الىپ كەلەدى، تاعى بىرەۋلەرى ولاردى ۇيلەرىنە شاقىرادى.

  پارتيا مەن ۇكىمەتتىڭ قامقورلىعى مەن كومەگىندە، ۇيعۇر اۋىلداستاردىڭ ىستىق ىقىلاسپەن قارايلاسۋىندا، سونداعى ءبىر توپ جاستىڭ كوڭىلى ورنىعادى. سودان باستاپ ولار شەكارا وڭىردە تامىر تارتىپ، شەكارا ءوڭىردى كوركەيتەدى، جەرگىلىكتى ۇيعۇر بۇقاراسىمەن تۇرمىستا ءبىرى - بىرىنە قارايلاسىپ، وندىرىستە ءبىرى - بىرىنە كومەكتەسەدى. ءسويتىپ، كوپشىلىك ءبىرى - بىرىنەن ايرىلا المايتىن ءبىر وتباسىنىڭ ادامدارىنا اينالعاندىعىن اڭعارماي قالادى.

  انە - مىنە دەگەنشە 60 جىل وتە شىقتى، اعا بۋىندار بىزگە قالدىرعان ءوزارا قول ۇشىن بەرۋ، ىنتىماقتاسا العا باسۋ رۋحى الدەقاشان بۇلاق قىستاعىنداعى ادامداردىڭ قانىنا ءسىڭىپ، بۇلاق قىستاعىنداعى ادامداردىڭ ەڭ باعالى بايلىعىنا اينالدى.

  بيىل 3 - ايدا ءدال ءجۇزىم ساباقتارىن اشاتىن كەزدە، بۇلاق قىستاعىندا تاعى دا ادامدى اسەرلەندىرەتىن كورىنىستەر جارىققا شىقتى: ءار ۇلت قىستاق تۇرعىندارى ءبىرى - بىرىنە كومەكتەسەتىن گرۋپپا قۇرىپ، قىستاق تۇرعىنى اميناحان ناسىر مەن عاپار جاپار وتباسىنا بىرگە كومەكتەسىپ ءجۇزىم ساباقتارىن اشىپ بەردى. اميناحاننىڭ 3 قىزى بار، جۇبايى ەرتە قايتىس بولعان، وتباسىندا ەڭبەككۇش جوق ەدى. عاپاردىڭ جۇرەك اۋرۋى بار، دەنە ەڭبەگىن ىستەۋىنە بولمايتىن. اميناحان اسەرلەنىپ: ”سەندەردىڭ كومەكتەرىڭ بولماسا، ءۇيىمىزدىڭ ءجۇزىم ساباقتارىن اشا الماس ەدىم!“ دەدى. عاپار بىلاي دەدى: ”اۋىلداستاردىڭ كومەكتەسۋىنىڭ ارقاسىندا، ءار جىلى ءجۇزىم ساباقتارىن ءساتتى اشا الامىز، وسىنداي اۋىلداستارىم بولعاندىعىنا ءوزىمدى باقىتتى سەزىنەمىن“.

  بۇلاق قىستاعىندا كوپشىلىك ۇلتتار ىنتىماعىن كوز قاراشىعىنداي ايالاپ، ۇلتتار ىنتىماعىن ومىرىندەي قاستەرلەپ، اناردىڭ دانىندەي تىعىز ۇيىستى. قىستاق پارتيا ياچەيكاسىنىڭ جەتەكشىلىگىندە، ءار ۇلت قىستاق تۇرعىنى بولماشى ءىس - ارەكەتتەرى مەن قاجىرلى قۇلشىنىستارى ارقىلى مول دا تولىقسىعان تۇرمىسقا سارقىلماس قوزعاۋشى كۇش ۇستەپ، ۇلتتار ىنتىماعىنىڭ گۇلىن بۇلاق قىستاعىندا ۇزاق ۋاقىتتار بويى قۇلپىرتتى.

جاۋاپتى رەداكتور: نۇربولات قابىل
  • 1
  • 2
  • 3
  • 4