تاكلاماكان ءشولىنىڭ جيەگىندە حايشۇي كۇرىشىن سىناق رەتىندە ەگۋ كولەمىن كەڭەيتتى

   شينحۋا اگەنتتىگىنىڭ 6 - ايدىڭ 4 - كۇنى ۇرىمجىدەن بەرگەن حابارى (تىلشىلەر يۇي تاۋ، لي جىحاۋ). ”بۇل سىناق اتىزى بۇرىن ءشول دالا بولاتىن“. 6 - ايدىڭ 3 - كۇنى يۇپۇرعا اۋدانى باياۋات اۋىلىنىڭ باستىعى الىمجان بىلاي دەدى: شاندۇڭ ولكەسىنىڭ شينجياڭعا باعىتتامالى كومەكتەسۋ قىزمەتىنە قولباسشىلىق ەتۋ شتابىنىڭ سايكەستىرۋىندە، يۋان لۇڭپيڭ حايشۇي كۇرىشىن عىلمي زەرتتەۋ ۇجىمى بيىل 2 - رەتكى سىناق رەتىندە ەگۋدى ورىستەتتى، بىلتىر 80 مۋ جەرگە سىناق رەتىندە ەككەن بولاتىن، جەرگىلىكتى ديقاندار سىناق رەتىندە ەگۋدىڭ ونىمدىلىگىن كورگەن سوڭ، بيىل 300 مۋعا كەڭەيتتى.

  تاكلاماكان ءشولىنىڭ اينالاسىنداعى كوپتەگەن سورتاڭ جەرلەر بۇرىننان بەرى اۋىل شارۋاشىلىق وندىرىسىنە پايدالانۋعا كەلمەيتىن. 2018 - جىلدان باستاپ، يۋان لۇڭپيڭ حايشۇي كۇرىشىن عىلمي زەرتتەۋ ۇجىمى وسى اراداعى شولدەن ەگىستىك جەر سىناق اتىزىن اشتى، بيىل تاعى سىناق رەتىندە ەگۋ كولەمىن كەڭەيتتى. بيىلعى كۇرىش مايساسى بۇل ارادا تامىر تارتتى.

  حايشۇي كۇرىشى سىناق اتىزى تاكلاماكان ءشولىنىڭ باتىس جيەگىندەگى يۇپۇرعا اۋدانى باياۋات اۋىلىندا، سىناق رەتىندە ەگىلگەن جەر اۋدانى 300 مۋ، كۇرىش مايساسى ماشينالاندىرىلعان تاسىلمەن ەگىلەدى. يۋان لۇڭپيڭ حايشۇي كۇرىشىن عىلمي زەرتتەۋ اترەتى شينجياڭ ءوڭىرىنىڭ جاۋاپتىسى ساۋ جىشۇن بىلاي دەدى: ”سىناق رەتىندە ەگىلەتىن جەردىڭ تۇز قۇرامى جوعارى بولعاندا ‰17 اينالاسىنا، PH قىشقىل - ءسىلتى قۇرامى 8.0 دەن اسسا، اۋىر دارەجەدەگى سورتاڭ جەرگە جاتادى، حايشۇي كۇرىشىنىڭ توپىراقتى جاقسارتۋ، تۇز قىشقىلىن تومەندەتۋ رولى بار، 3 دە 5 جىلدا بۇل سورتاڭ جەردى قۇنارلى اتىزعا اينالدىرۋعا بولادى“.

  ساۋ جىشۇن بىلاي دەدى: 2018 - جىلى يوپۇرعا اۋدانى سىناق اتىزدان مۋ باسىنا 549 كيلوگرام ءونىم الىپ، العاشقى قادامداعى تابىسقا قول جەتكىزدى. ”اترەتىمىز بەلگىلەگەن ەل ىشىندەگى سورتاڭ جەرگە حايشۇي كۇرىشىن ەگۋدىڭ ءونىمىن الۋدىڭ ’تولىمدى شەگى‘ − مۋ باسىنا 200 كيلوگرام بولاتىن، مۋ باسىنا 549 كيلوگرامدىق ۇنىم ءبىزدىڭ مەجەمىزدەن الدەقايدا اسىپ ءتۇستى، بۇل وسى سورتاڭ جەردىڭ قىرۋار اشۋ كومەسكى كۇشى بار ەكەنىن تۇسىندىرەدى“. ول بىلاي دەدى: شينجياڭدا سورتاڭ جەردىڭ اۋدانى كەڭ، ۇقساماعان دارەجەدە سورتاڭدانۋدىڭ قاتەرىنە ۇشىراعان ەگىستىك جەردىڭ اۋدانى مولشەرمەن 20 ميلليون مۋ بولىپ، تۇتاس رايونداعى ەگىستىك جەردىڭ %30ىن ۇستايدى، حايشۇي كۇرىشى شينجياڭدا سورتاڭ جەردى وزگەرتۋدە قۇندىلىعى وتە جوعارى، بولاشاعى بار داقىل.

  ”تۇتاس اۋىلىمىزدا 15 مىڭ مۋ سورتاڭ جەر بار، بۇكىلدەي اۋىل شارۋاشىلىق داقىلدارىن ەگۋگە كەلمەيدى. بۇقارا حايشۇي كۇرىشى ءشول جەردى قۇنارلى اتىزعا اينالدىرادى دەگەندى ەستىپ، بارلىعى زور ءۇمىت كۇتۋدە“، - دەدى الىمجان.

جاۋاپتى رەداكتور: سايراش تۇرارجان
  • 1
  • 2
  • 3
  • 4