اۋىل - قىستاقتاردىڭ ”دارەتحانا توڭكەرىسى“ن جاپپاي ىلگەرىلەتەيىك

  اۆتونوميالى رايون اۋىل - قىستاق دارەتحانالارىن وزگەرتۋ بويىنشا جۇمىس باسىندا كوزدەن كەشىرۋ، ىلگەرىلەتۋ ءماجىلىسىن اشتى

  اۋىل - قىستاقتاردىڭ ”دارەتحانا توڭكەرىسى“ن جاپپاي ىلگەرىلەتەيىك

  ءتىلشىمىز ۋاڭ شيڭرۇي 5 - ايدىڭ 7 - كۇنى شاياردان حابارلايدى. 5 - ايدىڭ 7 - كۇنى اۆتونوميالى رايون شايار اۋدانىندا اۋىل - قىستاق دارەتحانالارىن وزگەرتۋ بويىنشا جۇمىس باسىندا كوزدەن كەشىرۋ، ىلگەرىلەتۋ ءماجىلىسىن اشىپ، تۇتاس رايوننىڭ اۋىل - قىستاق دارەتحانالارىن وزگەرتۋ قىزمەتىنە ارناۋلى ورنالاستىرۋ جاسادى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى، اۆتونوميالى رايوننىڭ اۋىل - قىستاقتاردىڭ قونىس ورتاسىن وڭاۋ قىزمەتىن ىلگەرىلەتۋگە سايكەستىرۋ گرۋپپاسىنىڭ باستىعى ەركىن تۇنياز ماجىلىسكە قاتىناستى ءارى ءسوز سويلەدى.

  ءماجىلىس مىنالاردى باسا دارىپتەدى: اۋىل - قىستاقتاردىڭ ”دارەتحانا توڭكەرىسى“ن ۇزدىكسىز ىلگەرىلەتۋ − پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ناقتى ارەكەتى، رايونىمىزداعى شارۋالار قاۋىمىنىڭ باقىت سەزىمىن، تابىس سەزىمىن كۇشەيتۋدەگى كوكەي تەستى مىندەت. كەزەكتە ”جەرگىلىكتى ورىننىڭ جاعدايىنا قاراي ىستەۋ، ءتارتىپتى ىلگەرىلەتۋ، تۇلعالىق جوعارىلاتۋ، سالۋ مەن باسقارۋعا تەڭ ءمان بەرۋ، باياندى جۇرگىزۋ“ نەگىزگى وي جەلىسىنە ساي، اۋىل - قىستاق دارەتحانالارىن وزگەرتۋ جاعدايىن جاپپاي ۇعىسۋ قىزمەتىن جەدەل باستاپ، دارەتحانا وزگەرتۋ جوباسىن عىلمي، ۇيلەسىمدى جاساۋ كەرەك. قاراپايىم دا ەبدەيلى، ارزان دا ءتيىمدى، شارۋالار قاۋىمى وڭاي قابىلدايتىن تازا دارەتحانا ەتىپ وزگەرتۋ ۇلگىسىن بەلسەنە جالپىلاستىرىپ، دارەتحانانى اۋلاعا، ۇيگە سالۋعا شابىتتاندىرۋ كەرەك. اۆتونوميالى رايوننىڭ ”مىڭ قىستاقتا ۇلگى كورسەتۋ، ون مىڭ قىستاقتى وڭاۋ“ ينجەنەرياسى بويىنشا دارەتحانا وزگەرتۋ مىندەتىن ويداعىداي تياناقتاندىرىپ، ساتىعا، توپقا ءبولىپ ءتارتىپتى ىلگەرىلەتۋ كەرەك. عىلمي زەرتتەۋ ورىندارىن، كاسىپورىن تۇلعالارىن جەرگىلىكتى ورىننىڭ ەرەكشەلىگىنە ۇيلەسەتىن زالالسىز تازا دارەتحانا جاڭا تەحنيكاسىن، جاڭا ءونىمىن زەرتتەپ جاساۋعا جانە ەنگىزۋگە شابىتتاندىرۋ كەرەك. ۇكىمەتتىڭ جەتەكتەۋى مەن بازار ۇشتاسقان باسقارۋ - قورعاۋ مەحانيزمىن جەدەل ورناتىپ، ”ساۋدالىق تاسىلمەن دارەتحانا سالۋ، ساۋدالىق تاسىلمەن دارەتحانا كۇتىمدەۋ“ ۇلگىسىن جالپىلاستىرۋدى قاراستىرۋ كەرەك.

  ءماجىلىس مىنالاردى تالاپ ەتتى: جەر - جەر تۇلعالىق جاۋاپكەرشىلىكتى تياناقتاندىرىپ، قازىنالىق قارجىمەن قولداۋ سەرپىنىن ارتتىرىپ، ءار جاقتىڭ بايلىعىن بىرىكتىرىپ، اۋىل - قىستاقتاردىڭ ”دارەتحانا توڭكەرىسى“ن ىشكەرىلەي تىڭعىلىقتى ىلگەرىلەتۋ كەرەك.

  ماجىلىسكە قاتىناسقان ۋاكىلدەر شايار اۋدانىنىڭ اۋىل - قىستاقتارىنداعى وتباسىلارى ىستەتىپ وتىرعان دارەتحانالار، زالالسىزداندىرىلعان دارەتحانالار، تۇرمىستىق قوقىر - قوقسىق پەن كوڭدى ءبىر جاقتى ەتۋ ورنى سياقتى 6 جەردى كوزدەن كەشىردى.

جاۋاپتى رەداكتور: سايراش تۇرارجان
  • 1
  • 2
  • 3
  • 4